Tertúlia revisitada (Galician Edition)

Mais informações sobre o produto

Tertúlia revisitada (Galician Edition)

Xavier Alcalá "revisita" unha novela silenciada durante 35 anos pola súa retranca crítica e incómoda.

Tertúlia revisitada é unha nova versión de Tertúlia, novela “maldita”, enviada ao concurso Blanco Amor en 1984 e rexeitada como gañadora por “razóns de índole extraliteraria e mesmo extralingüística, esvarando na discriminación política” [A Nosa Terra, 11/12/84].

Naquela primitiva versión o autor ficcionou o ambiente dunha tertulia literaria. Os seus membros estaban a escribir caladamente para o mesmo concurso e un deles plaxiaría unha novela brasileira na esperanza de que ningún xurado se decatase pois “no Impaís ninguén le en portugués”.

Malia o rexeitamento no concurso, Tertúlia foi axiña publicada por Sotelo Blanco; e contou con notables valedores:

“É unha obra complexa e de grande rigor, tanto na linguaxe como na estrutura, que retoma o xénero de aventuras e á vez realiza unha crítica moi aguda sobre o mundo literario actual en Galicia.” [Basilio Losada, catedrático de Filoloxía Galega e Portuguesa na Universidade de Barcelona. La Voz de Galicia, 1/6/85]

“Unha característica esencial de Tertúlia é a de estar escrita con varias grafías, da portuguesa á galega académica pasando pola reintegracionista. Con iso o autor fai un intento de demostrar que para a creación literaria é fundamental a liberdade: non se pode enfaixar dentro dunha normativa gráfica determinada.” [Xosé Posada, empresario, presidente de Caixa Ourense. La Región, 6/7/85]

Corenta anos despois, no 2014 Xavier Alcalá “revisitou” a tertulia do Café Barlovento que describira cando mozo, engadindo ao texto unha normativa gráfica propia. Con Tertúlia revisitada tentaba -e tenta- amosar ideas sostidas ao longo da súa traxectoria como escritor: que toda obra deber permanecer en “edición aberta” (disposta para melloras) e que a Literatura está por cima dos idiomas (e aínda máis por riba de enfaixamentos gráficos).

Mais sobre este produto